...what jo says...

今日都充實下~~

首先朝早五點幾起身返工啦，之後做做做，做到十二點幾鐘問sony件貨到左未~~兩點就急步走去旺角拎返件配件。

上到去見到肥哥哥，多謝左佢一輪之餘都真係要讚下佢！positive reinforcement~~之後又急步咁走去地鐵站過海，去韓生間局。

之後去到唔係點確認到自己同間局的位置，咁就走來走去左一輪。仲行左好耐公園…正式兜花園…shit…

之後韓生終於出完車…搵到佢…但係我已經搵到喇。不過都在電話裡頭感受到自己個種又蠢又無常識的感覺……

見到佢，好似一個學生著住件消防員制服，之後的對話可能會係：我志願係做消防員！！

個look都ok搞笑。

今日又凍，又餓，又病，又累，唔方便個幾日又再痛多dd，今晚仲要開夜，我估…我都算係咁掛…

返到屋企，都成五點幾，搞得野，煮得麵黎都六點幾，而家七點喇…過多一個鐘要返工…對眼就快要合埋了…點好…一陣點看夜…

快d病好啦…喉嚨好痛好辛苦…

悶悶不樂。

嗯…知道咩事…^^

不過算啦，超超~~~乖~~~

忘了工作很久，這幾天閒來想想，工作給我的都不少。

上星期，我被分配做一個教育講座，亦因為這樣，我不期然緊張起來。一來未試過，二來不知道病人們能接收多少，講座的成效有多少？

好好準備了兩天，只是一個小小的講座，也真的預備了不少。今次我的題目是『口腔護理』。

為了令講座反應良好，我也準備了少許食物作為禮品。

講座開始時，病人們都不集中。後來，大家都開始專心了，因為答中問題有獎品。我明白到甚麼叫作positive reinforcement。老實說，我沒料到大家都會這麼留神，而且問題再難都能答中！

就連時常閉咀，不多說話的一個病人，他都一一答中難題，很厲害呀！

真的很開心呢！

而且，有位病人完了講座後，跟我談了很多關於口腔的問題，很好呢！

晚上，有位年輕的病人跟我聊天。他說我很受病人們歡迎，我問為何呢？他說很多病人都是衷心愛戴我。不知他是否跟我說笑，但亦很多謝你呢~~

嗯…我想，我應該把心思放在護理病人上，不用再理會甚麼行政。我是護士嘛！！我要愛我的病人，愛自己工作！

我賺的錢不多。可是我每天亦努力用自己的快樂去令病人們明白快樂的重要。就算再多的錢也不能衡量這種心情！

或者我平時多了點怨言，不過我只是用來抒發情緒，哈哈，請大家原諒啊~~~

情人節，一大早韓生來個早電，將我呢個五點先走上床的大魔怪叫醒左。聽電話個時都真係唔知自己發夢定係真係講緊電話，哈哈。

原來，韓生有緊急任務俾我。

鄧鄧鄧鄧(越來越高音架要)~~~緊急任務到旺角買配件~~慈雲山去小超救~~~

咁我當堂成個人醒左啦~~我呢d出名係支持者又係韓生忠實fan屎，點可以錯過任何一個任務丫~~~，就係咁，沖個涼就出左去旺角。

去到sony，哈，個肥仔哥哥話幫我打電話去零件部，話現在無貨要四五日先有，咁韓生要三日後拎，呢個mission咪要impossible？唔得~~~~點可以~~~~~！咁我就用左呢個楚楚可憐的眼神，加緊張焦累的聲線同肥哥哥講：

『唔該…可唔可以快少少呀…十七號晚開工用架…好趕架…趕住用黎做野…唔該你丫…』

當然，樣野係十七號晚上要，但係係十八號早上用黎開工。呢d真係叫虛張聲勢，：P

就係咁，我見到佢個對眼充滿同情的閃光，我知道肥哥哥一定會再打電話，嘿嘿嘿嘿！

轉個頭，佢話零件部個邊話十七號可能有，哈哈，講得可能，都應該有七乘幾有架喇~~~~唉~~~講真，佢地做野太保守，話要五日先有…好似政府咁做野點得架~~~~老老實實~~~五日都驗到半個愛滋啦！！！唉~~~~~

就係咁，完成左任務。

之後同bernbern食飯，似乎佢都幾頂心咁喎~~~開心d啦~~情人節~~~

話時話，情人節真係周圍都見女仔收花，好symbolic 喎！其實點解一定係收花呢？收草又得唔得呢？收樹會唔會可以型d呢？哈哈 ，我都係講下姐。不過講真，花對我黎講麻麻地。尤其咁貴。第二樣放得耐少少好過~~~紀念到ma…

以為今日心情會有少少麻麻地，原來都唔係丫~~~反而幫韓生搞掂左d野，覺得自己有貢獻，哈哈。

情人節快樂~~

繼續談情 - 劉德華

詞/曲: 徐繼宗

難道我天生這樣毫無運氣
難道我一生注定只有自己
難道我真的喜愛聚散別離
難道我不想 擁抱妳

難道我甘於折服別人道理
難道我喜歡這樣難為自己
難道我真的必須化作翠蝶
難道真要越生跨死

天空海闊 是這樣大
可憐胸襟未算大
看到世俗要將愛活埋把它分界
令我極費解 (但我會跟你表態)

淚似簾外雨 點滴到天明
再看妳的身影一刻我的心已很高興
空房冷冰冰 山伯孤零零
唯有忘記這刻一起化蝶代替哭聲
繼續躲在花內談情

今個情人節，應該同媽媽一齊過。

韓生要返工，無辦法，要搵食，唔通唔要麵包去飲水咁無聊？我一定唔支持喇。

嗯…都好ge，好耐無好好做自己野，呢幾日就好好咁搞掂自己的所有事先~~~好耐無長時間自己一個人想想東西，做下事。感覺好像從不放鬆。

今日溫了很多很多的書，清楚很多了。想想，有時完成自己的事，心情的確很暢快，總算是為自己做事。顧及別人太多，太辛苦了。

^_^

做錯甚麼要原諒？

在我的字典有體諒，很少有原諒。要不然就不可原諒了！哈哈。